Banerlər
Xəbərlər

 

DAŞKƏNDDƏKİ DİASPORUMUZUN XOCALI FACİƏSİ İLƏ BAĞLI BƏYANATI BEYNƏLXALQ TƏŞKİLATLARA GÖNDƏRİLƏCƏK

Daşkənddəki Respublika Azərbaycan Milli Mədəniyyət Mərkəzi (RAMMM) Xocalı faciəsinin 27-ci ildönümü ilə bağlı tədbir keçirib.

Tədbirdə RAMMM-ın sədri Firdovsi Hüseynov Xocalı faciəsinin yaranma səbəbləri və nəticələri haqqında danışıb. Sonra qurumun üzvləri adından Xocalı soyqırımının 27-ci ildönümü ilə əlaqədar bəyanatı oxuyub.

Qeyd olunub ki, bəyanat BMT-nin baş katibinə, Təhlükəsizlik Şurasına, BMT-nin İnsan Hüquqları üzrə Ali Komissarına, Qaçqınlar üzrə Ali Komissarına, İnsan Hüquqları Şurasına, habelə UNESCO-nun, Avropa İttifaqının, Avropa Şurasının, ATƏT-in rəhbərlərinə və digər beynəlxalq təşkilatlara göndəriləcək.

Sonra çıxış edənlər 1992-ci il fevralın 25-dən 26-na keçən gecə erməni silahlı qüvvələrinin Rusiyanın 366-cı motoatıcı alayı ilə birgə görünməmiş vəhşiliklər törətdiyi, uşaqları, qadınları və qocaları xüsusi qəddarlıqla qətlə yetirdiyi, südəmər körpələrin süngüyə keçirildiyi barədə danışıblar.

Qeyd olunub ki, Azərbaycan xalqı hər il fevralın 26-da Xocalı faciəsində həlak olanların xatirəsini ehtiramla yad edir, bununla bağlı izdihamlı yürüşlər və anım mərasimləri keçirilir.

BAKI. 25.02.2019. AzerTAc.


Saytda yeni
Valyuta məzənnəsi
ABŞ dolları
1.7000
Avro
1.9096
Rusiya rublu
0.0267
Hava proqnozu
+34°
 / +24°
Bakı
Qalereya
Layihə haqqında   |   Məktub yazmaq
© www.azerbaijan.az 2010