Banerlər
Xəbərlər

 

HƏFTƏSONU FUTZAL ÜZRƏ AZƏRBAYCAN KUBOKU YARIŞLARINDA YENİ MÖVSÜMƏ START VERİLƏCƏK

Həftəsonu futzal üzrə Azərbaycan kuboku yarışlarında 2018/2019-cu il mövsümünə start veriləcək. Bu dəfə mübarizə 1/32 final mərhələsindən başlayacaq.

Reqlamentə əsasən, Birinci və İkinci liqa komandaları bir-birinə rəqib olacaq. Oyunlar 3 gün ərzində - yanvarın 11-də, 12-də və 13-də “Olimpik Star”da keçiriləcək. Bu mərhələnin qalibləri daha sonra 1/16 finalda rəqib olacaqlar. Yüksək liqa iştirakçıları 1/8 finaldan başlayaraq kubok oyunlarında iştirak edəcəklər.

Əvvəlki 24 kubok mövsümündə 10 komanda yarışın qalibi olub. Müxtəlif adlarla çıxış edən “Neftçi” hamıdan çox – 6 dəfə kuboku başı üzərinə qaldırıb. “Araz” 5 dəfə bu mükafata sahib olub. Digər kubok sahiblərindən EKOL 3, “Avtomobilçi”, “Azərneftyanacaq” və “Gömrükçü” hərəyə 2 dəfə kubokun qalibi adına yiyələnib. Dörd komanda isə bir dəfə belə uğura nail olub. “Nabspor”, “Turan AİR”, “Fənər” və “Marafon Futsal” mövsümündə kuboku qazanıb. Maraqlıdır ki, kubokun son qalibi, eləcə də finalçı komanda cari mövsümdə iştirak etmir.

BAKI. 08.01.2019. AzerTAc.


Saytda yeni
Valyuta məzənnəsi
ABŞ dolları
1.7000
Avro
1.9271
Rusiya rublu
0.0263
Hava proqnozu
+8°
 / +5°
Bakı
Qalereya
Layihə haqqında   |   Məktub yazmaq
© www.azerbaijan.az 2010