Banerlər
Xəbərlər

 

AZƏRBAYCAN DİASPORU İLƏ MALAYZİYA ARASINDA ƏMƏKDAŞLIQ MƏSƏLƏLƏRİ MÜZAKİRƏ EDİLİB

“Vətənpərvər” - Azərbaycanın Misirdə Diaspor Təşkilatları Birliyinin sədri, tədqiqatçı-alim Seymur Nəsirov Malayziyanın bu ölkədəki səfiri Muhəmməd Həniflə görüşüb.

Görüşdə tərəflər iki ölkə arasında dostluq əlaqələrindən söhbət açıb, əməkdaşlığa və müştərək tədbirlər keçirməyə hazır olduqlarını bildiriblər.

Səfir Misirdə təhsil alan malayziyalı tələbələrə göstərilən dəstəyə görə Azərbaycanın Misirdə Diaspor Təşkilatları Birliyinin sədrinə təşəkkürünü bildirib.

Sonra Seymur Nəsirovun rəhbərliyi altında təhsil alan bir qrup tələbənin hüsnxətlə yazdıqları lövhələrin sərgisinə baxılıb. Səfir sərgilənən sənət əsərlərini çox yüksək qiymətləndirib. Bu sənəti Azərbaycan diasporu mərkəzində öyrənmək üçün S.Nəsirovdan ona və ailəsinə imkan yaradılmasını xahiş edib.

Qeyd edək ki, S.Nəsirov Misirdə təhsil alan 58 ölkədən olan 1000-dən çox tələbəyə rəhbərlik edir. İyirmi ildən çoxdur ki, ərəb mənbələrində Azərbaycanla bağlı tədqiqat aparır, 250-dən çox əslən azərbaycanlı alimlər haqqında iki kitabın müəllifidir. Çoxsaylı elmi və publisist məqalələri ərəb və Azərbaycan dillərində dərc olunub. Qahirə Universitetində Azərbaycan dilini tədris edir. Rəhbərlik etdiyi tələbələr arasında malayziyalılar da var.

BAKI. 12.09.2018. AzerTAc.


Saytda yeni
Valyuta məzənnəsi
ABŞ dolları
1.7000
Avro
1.9267
Rusiya rublu
0.0258
Hava proqnozu
+15°
 / +9°
Bakı
Qalereya
Layihə haqqında   |   Məktub yazmaq
© www.azerbaijan.az 2010