Banerlər
Xəbərlər

 

AZƏRBAYCANIN GƏNC İSTEDADLI İFAÇISI BERLİNDƏ BEYNƏLXALQ MÜSABİQƏDƏ QIZIL MEDAL QAZANIB

Əməkdar artisti, gənc istedadlı skripkaçı, Prezident təqaüdçüsü, adı Azərbaycanın gənc istedadlarının “Qızıl kitabı”na daxil edilmiş Elvin Xoca Qəniyev Berlində keçirilən beynəlxalq musiqi müsabiqəsində qızıl medal qazanıb.

Mədəniyyət Nazirlikdən bildirilib ki, müsabiqənin münsiflər heyətində ABŞ, Fransa, Çexiya, İtaliya, Rusiya, Almaniya, Norveç və Polşadan olan Eduard Qraç, Pyer Amoyal, Marko Ritsi, Jerrom Perno, Kirill Trussov, Linn Çanq, İvan Ştraus, Zvi Karmelli, Kristov Bakovski, Frantişek Briksius, İoqannes Qoritski, Audun Andre Sandvik və Kristov Bakovski kimi dünyaca məşhur 13 musiqiçi yer alıb. Müsabiqədə dünyanın hər yerindən 18-35 yaş arası skripkaçılar iştirak ediblər.

Münsiflər heyəti nəticələri elan edərkən Elvinin musiqi duyumunu, ifa zamanı səslənmənin dərinliyini, parlaq texnika və əsərlərin xüsusi intepretasiyasını qeyd ediblər. Münsiflər azərbaycanlı musiqiçiyə uğurlar arzulayaraq, onun dünya karyerasına artıq hazır olduğuna əminliklərini bildiriblər.

BAKI. 05.09.2018. AzerTAc.


Saytda yeni
Valyuta məzənnəsi
ABŞ dolları
1.7000
Avro
2.0024
Rusiya rublu
0.0256
Hava proqnozu
+26°
 / +19°
Bakı
Qalereya
Layihə haqqında   |   Məktub yazmaq
© www.azerbaijan.az 2010