Banerlər
Xəbərlər

 

BAKIDA İNDONEZİYANIN MÜSTƏQİLLİYİNİN 72-Cİ İLDÖNÜMÜ QEYD EDİLİB

İndoneziyanın Azərbaycandakı səfirliyi ölkənin müstəqilliyinin 72-ci ildönümü ilə əlaqədar rəsmi qəbul təşkil edib.

Əvvəlcə hər iki ölkənin dövlət himnləri səsləndirilib.

Qəbulda çıxış edən səfir Hüsnan Bəy Fənani ölkəsinin keçdiyi inkişaf yolundan danışıb. O bildirib ki, bu bayram həm də Azərbaycan ilə diplomatik münasibətlərin qurulmasının 25-ci ilinə təsadüf edir. İndoneziya Azərbaycanı özünə dost və tərəfdaş hesab edir. İkitərəfli siyasi və iqtisadi əlaqələr yüksək səviyyədədir. Son beş ildə İndoneziya və Azərbaycan arasında 40-dan çox yüksək səviyyəli səfərlər təşkil edilib. Xalqlarımızın bir-birinin mədəniyyətinə böyük hörməti var. Bu gün 67 azərbaycanlı gənc Azərbaycan Dillər Universitetində İndoneziya dilini öyrənir.

Əmək və əhalinin sosial müdafiəsi naziri Səlim Müslümov qəbulda çıxış edərək Azərbaycan hökuməti adından İndoneziya xalqını əlamətdar gün münasibətilə təbrik edib. Nazir bildirib ki, ölkələrimiz arasında dostluq əlaqələri bütün sahələrdə inkişaf edir. İndoneziya Azərbaycanı bütün müstəvilərdə dəstəkləyir, Ermənistan-Azərbaycan, Dağlıq Qarabağ münaqişəsinin həlli məsələsində birmənalı şəkildə Bakının mövqeyindən çıxış edir.

Nazir İndoneziya ilə Azərbaycan arasında mövcud iqtisadi-ticari əlaqələrin inkişaf etdirilməsinin vacibliyini vurğulayıb, bunun üçün iki ölkənin müvafiq qurumlarının tədbirlər görməli olduğunu bildirib.

BAKI. 07.09.2017. AzerTAc.


Saytda yeni
Valyuta məzənnəsi
ABŞ dolları
1.7009
Avro
2.0209
Rusiya rublu
0.0292
Hava proqnozu
+34°
 / +21°
Bakı
Qalereya
Layihə haqqında   |   Məktub yazmaq
© www.azerbaijan.az 2010